Қазақстан Республикасының Үкіметі ҚАУЛЫ ЕТЕДІ:
1. "Балаларды зорлық-зомбылықтан қорғау, суицидтің алдын алу және олардың құқықтары мен саламаттығын қамтамасыз ету жөніндегі 2023 – 2025 жылдарға арналған кешенді жоспарды бекіту туралы" Қазақстан Республикасы Үкіметінің 2023 жылғы 31 тамыздағы № 748 қаулысына мынадай өзгерістер мен толықтырулар енгізілсін:
көрсетілген қаулымен бекітілген Балаларды зорлық-зомбылықтан қорғау, суицидтің алдын алу және олардың құқықтары мен саламаттығын қамтамасыз ету жөніндегі 2023 – 2025 жылдарға арналған кешенді жоспарда:
"Балалардың зорлық-зомбылықтан, жәбірленуден және оларға қатыгездікпен қараудан қорғалу құқығын іске асыру" деген 1-бөлімде:
реттік нөмірі 6-жол мынадай редакцияда жазылсын:
"
6. | Балаларға қатысты зорлық-зомбылық пен жәбірлеуге қарсы ұлттық ақпараттық науқан жүргізу | ақпараттық науқан | жыл сайын желтоқсан | ОМ, МАМ, ЖАО | талап етілмейді | - |
";
"1.2. Орта мерзімді шаралар" деген кіші бөлім мынадай мазмұндағы реттік нөмірі 23-1-жолмен толықтырылсын:
"
23-1. | Ата-аналары немесе басқа заңды өкілдері бас тартқан кезде суицидтік қауіп болған жағдайда балаға қамқоршылық және қорғаншылық қызметтерін жүзеге асырушы органдардың шешімімен психологиялық көмек көрсету мүмкіндігін заңнамамен бекіту жөніндегі норманы заңнамалық бекіту | Қазақстан Республикасы Заңының жобасы | 2025 жылғы желтоқсан |
ОМ, ДСМ | талап етілмейді | - |
";
"Балалардың суицидтік және аутоагрессивті мінез-құлқының профилактикасы және оны түзету" деген 2-бөлімде:
реттік нөмірі 28-жол мынадай редакцияда жазылсын:
"
28. | Өз-өзіне қол жұмсау құралдарына қол жеткізуді шектеу бойынша ақпараттық-түсіндіру жұмысын жүргізу (шатырға шығуды бақылау, қошталмайтын контентті бұғаттау, дәрілік препараттарды жауапты қолдану) | ОМ-ге ақпарат | жыл сайын маусым, желтоқсан |
ЖАО, ІІМ, ӨҚМ, ТЖМ, ДСМ, МАМ | талап етілмейді | - |
";
"2.1. Қысқа мерзімді шаралар" деген кіші бөлім мынадай мазмұндағы реттік нөмірлері 29-1, 29-2 және 29-3-жолдармен толықтырылсын:
"
29-1. | Суицидтік мінез-құлқы бар балаларды медициналық ұйымдарға есепке қою бойынша педагогтер мен ата-аналар арасында кең ауқымды ақпараттық-түсіндіру науқанын өткізу | ОМ-ге ақпарат | 2025 жылғы желтоқсан | ОМ, ДСМ, ЖАО | талап етілмейді | - |
29-2. | Ұлттық фильмдердің басым тақырыптарының тізбесіне "Балалардың қауіпсіздігі" (қамқор ата-ана, бақытты балалық шақ, қателік құқығы) тақырыбын енгізу | фильм | 2025 жылғы желтоқсан | МАМ | - | РБ (бюджет қаражаты шегінде) |
29-3. | Кәмелетке толмағандардың денсаулығы мен дамуына зиян келтіретін ақпаратты қарайтын кәмелетке толмағандардың аккаунттарын анықтайтын цифрлық талдамалық бағдарламаларды жасау және енгізу бойынша әдістемелік ұсынымдар әзірлеу | әдістемелік ұсынымдар | 2025 жылғы желтоқсан |
ОМ | талап етілмейді | - |
";
"2.2. Орта мерзімді шаралар" деген кіші бөлім мынадай мазмұндағы реттік нөмірлері 37-1, 37-2, 37-3 және 37-4-жолдармен толықтырылсын:
"
37-1. | Қазақстандағы жасөспірімдер арасындағы суицид мәселелері бойынша нақты кейстер негізінде жасөспірімдер суицидінің себептерін анықтауға бағытталған кешенді ғылыми зерттеу жүргізу | зерттеу нәтижелері бойынша ОМ-ге ақпарат | 2025 жылғы желтоқсан |
ҒЖБМ, | - | РБ (бюджеттік қаражат шегінде) |
37-2. | Профилактикалық тексеру (скрининг) барысында жасөспірімдердің аутодеструктивті бағытталған тұлғалық қасиеттерін ерте анықтау мақсатында жоғары және жоғары оқу орнынан кейінгі медициналық білім беру бағдарламаларына жалпы практика дәрігерлерін психиатрия саласындағы мамандану мәселелері бойынша оқыту бөлігінде өзгерістер енгізу | бағдарламалар | 2025 жылғы тамыз | ДСМ | талап етілмейді | - |
37-3. | Профилактикалық медициналық тексерудің дәрігерге дейінгі кезеңіне психоактивті заттарды қолдануға байланысты мінез-құлықтық тәуекелдерге бағалау жүргізу, сонымен қатар арнайы кезеңде профилактикалық медициналық тексеруді жүзеге асыратын профильді мамандар құрамына нарколог пен психиатрды қосу мәселелерін пысықтау | Қазақстан Республикасының Үкіметіне ақпарат | 2025 жылғы желтоқсан | ДСМ, ОМ | талап етілмейді | - |
37-4. | Педагог-психологтарды, психологтарды, әлеуметтік педагогтерді даярлайтын жоғары және (немесе) жоғары оқу орнынан кейінгі білім беру ұйымдарының білім беру бағдарламаларына "Профайлинг", "Әлеуметтік желілердегі профайлинг", "Жалғандықты анықтау" тақырыптарын енгізу | оқыту бағдарламасы | 2025 жылғы желтоқсан | ҒЖБМ | талап етілмейді | - |
";
"Қазақстандық балалардың саламаттылық деңгейін арттыру" деген 3-бөлімде:
реттік нөмірлері 42, 43 және 44-жолдар мынадай редакцияда жазылсын:
"
42. | Балалар мен жасөспірімдердің мәдени тәрбиесін арттыруға, шығармашылық әлеуетін дамытуға бағытталған іс-шаралар өткізу | ОМ-ге ақпарат | жыл сайын желтоқсан | ЖАО, МАМ, ОМ | 2023 жылы – 22870, 23 млн теңге; 2024 жылы – 23214, 635 млн теңге; 2025 жылы – 23495, 218 млн теңге | ЖБ |
43. | Балалар-жасөспірімдер спортын дамыту, мектептік спорт лигаларын құру және мектептік спорт клубтары арасында дене шынықтыру іс-шараларын ұйымдастыру | ОМ-ге ақпарат | жыл сайын желтоқсан | ЖАО, ТСМ, ОМ | 2023 жылы – 48878, 783 млн теңге; 2024 жылы – 48339, 729 млн теңге; 2025 жылы – 51577, 685 млн теңге | ЖБ |
44. | Кәмелетке толмағандарды қосымша білім берумен 100 % қамту бойынша шаралар қабылдау | ОМ-ге ақпарат | жыл сайын маусым, желтоқсан | ЖАО, ТСМ, МАМ, ОМ | 2023 жылы – 81599, 203 млн теңге; 2024 жылы – 92327, 978 млн теңге; 2025 жылы – 1001355, 68 млн теңге | ЖБ |
";
"3.1. Қысқа мерзімді шаралар" деген кіші бөлім мынадай мазмұндағы реттік нөмірлері 47-1, 47-2 және 47-3-жолдармен толықтырылсын:
"
47-1. | Балалар мен жасөспірімдерге көмек көрсету үшін психиатр- дәрігерлерді даярлауға арналған мемлекеттік тапсырыстың көлемін арттыру | ДСМ бұйрығы | 2025 жылғы тамыз | ДСМ | - | РБ (бюджет қаражаты шегінде) |
47-2. | Білім алушылар мен тәрбиеленушілерге өмірдегі төзімділік, коммуникация, бейімделу, тұлғалық өсу дағдыларын және күрделі жағдайларда қауіпсіз мінез-құлықты дамытуға бағытталған тренингтер өткізу | тренингтер, ОМ-ге ақпарат | 2025 жылғы желтоқсан | ЖАО | талап етілмейді | - |
47-3. | "Журналистика және ақпарат" кадрларын даярлау бағыты бойынша студенттерді трагедиялық оқиғаларды, резонансты қылмыстарды және суицидтерді масс-медиада этикалы түрде жариялау әдістеріне оқыту | ОМ-ге ақпарат | 2025 жылғы желтоқсан | ҒЖБМ, МАМ | талап етілмейді | - |
";
реттік нөмірі 49-жол мынадай редакцияда жазылсын:
"
49. | Балалардың қоғамдық көліктердегі, вокзалдардағы, әуежайлардағы, адамдар көп жиналатын орындардағы, фильмдердің көрсетілімі алдында кинотеатрлардағы, мектептердегі, ауруханалардағы, балабақшалардағы, колледждердегі, жоғары оқу орындарындағы, алаңдардағы және т.б. қауіпсіздігі тақырыбын жариялау | ОМ-ге ақпарат | жыл сайын желтоқсан | ЖАО, КМ, ТСМ, ОМ, ДСМ, МАМ, ЦДИАӨМ, ТЖМ, ҒЖБМ | талап етілмейді | - |
";
Ескертпе: Аббревиатуралардың толық жазылуы мынадай мазмұндағы жолдармен толықтырылсын:
"КМ – Қазақстан Республикасы Көлік министрлігі;
МАМ – Қазақстан Республикасының Мәдениет және ақпарат министрлігі;
ӨҚМ – Қазақстан Республикасының Өнеркәсіп және құрылыс министрлігі;
ТСМ – Қазақстан Республикасының Туризм және спорт министрлігі".
2. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
О. Бектенов |